Doppo nu primmo tiempo a c’o scurdà,
Lavezzi tira fuori il do di petto,
ma ‘o Cagliari riesce a pariggià.
Chiure Cavani (granne pallunetto!…)

Stu Napule ha vinciuto, ed ha convinto.
‘A sette mise, stammo sempe ccà:
mò ca ce manca sulamente un quinto
‘e campionato, chi se po’ fermà?

Milanese, è ‘o mumento e fà a curnate.
Nu pareggio a San Siro fosse d’oro:
nuje stamme là, cu ll’uocchie spalancate,
pronti pe  ce nfilà pe mmiez’a loro.

Stamme vicine ad un’impresa storica,
e so’ felice ca ne so’ cantore.
‘E sdrucciolo è rummasa sulo ‘a colica
ca ‘nfastedette il nostro allenatore!

Clicca qui per vedere il video incorporato.

‘O primmo tiempo, ‘o gol certo  ce steva:
pe nu pilo  nunn’a mettimmo in porta.
Avimmo avuto pure ‘o poco ‘e ciorta,
e pe chestu motivo jammo in freva.

Ma int’a ripresa ‘o Napule s’affloscia:
addeventà chiù lento, e po’ s’imballa.
E’ overo, sempe nuje tenimm’a palla,
ma ‘a manovra è nu guajo: è troppa moscia.

Né, sul finale, ‘o Brescia nun s’allanza?
Traseno Lucarelli, e poi Yebda,
però accussì ‘a difesa nun c’a fà,
e rischiammo doje-tre dulur’ e panza.

E mò? Facimm’a corsa su noi stessi.
Vanno sempe chiù forte, ‘e milanese.
E nunn’è ca tenevem’e pretese:
nuje simme sognatore, mica fessi!

Clicca qui per vedere il video incorporato.

Ma basta mò. Chello ch’è stato è stato.
E po’ chi sa, si overo è nu peccato:
doppo stu paliatone c’ha pigliato
‘o Napule sarrà chiù rilassato….
e dummeneca è ancora campionato.
Il sogno nunn’è muorto: è rimandato!

“Site siconne!” E nuje cadimmo a funno:
vene comm’a na specie ‘e scemanfù.
Addò è fernuta  ‘a voglia e spaccà ‘o munno,
chella cuncentrazzione, addò sta chiù?

Al posto d’o slovacco, ‘o Principito:
nunn’ammiscammo ‘a lana cu la seta!
Ce lo ricorda ‘o pubblico, imbelvito:
“Sosa, nun tiene l’esse: tiene ‘e zeta!”

D’e nuoste, in poche ‘a guidano, sta nave.
Su tutti, certamente Cannavaro,
Grava (ma il suo incidente pare grave),
e  joca buono pure Campagnaro.

Lavezzi quacche palla l’ha tuccata,
ma quale azzurro: l’ammo visto griggio.
Pe’ Cavani nu fu na gran serata
(ma pecchè se jucava ‘e pomeriggio…)

Vabbuò:c’accuntentammo ‘e stu pareggio.
Certi partite a vote vanno storte,
e ce puteva annà perzino peggio.
Ma nun se fa accussì, mannaggia ‘a morte!

Clicca qui per vedere il video incorporato.

Chesta vota c’o simmo ammeretato
ancor’e chiù: s’è visto che ‘o Palermo
ha jucato un po’ troppo abbottonato:
se metteva appaura, steva fermo.

Ma nuje pure ‘o tenevemo, ‘o timore:
nunn’è ca cu chest’aria Di Natale
se sceta a notte a notte anche Pastore
(ca si lle gira, ‘o ssaje, te po’ fa male?)

Ma no: nunn’o teneva, chest’intento.
E comm’a isso, è stato inconcludente
‘o gigante chiù basso d’o Salento:
Miccoli, ca s’è visto poco e niente.

E nuje? Mammia mia bella, e che Cavani!
‘O vide dappertutto, anche in difesa.
Alluccammo, spellandoci le mani:
Edi(n)son, tiene ‘e luce sempe accesa!

Clicca qui per vedere il video incorporato.

Clicca qui per vedere il video incorporato.

Contr’a ‘na squadra senza centrocampo,
can nun se vo’ scuprì; perciò se chiure,
stu Napule sicuro non è un lampo:
attacca, ma al finale, nun cunchiure.

‘E lloro, invece, fanno chiù paura:
ma ‘o giucatore ‘e casa chiù importante,
Caracciolo, nun trova la misura,
e quann’a trova, là ce sta Desante.

Siconno tiempo: ‘o tiempo è semp’uguale.
Pur’ a partita è uguale, ‘a stessa pasta:
Napule, forza, mò l’amma fa male,
‘o pareggio ccà ncoppa nun c’abbasta.

‘A squadra, a chistu punto, è stanca e stracqua,
e però nun s’arrenne, e va all’attacco.
Chiove? Vabbè, ma ‘a classe nunn’è acqua:
segna ‘o Pocho, imbeccato d’o slovacco.

Hanno perso ‘e bresciani, poverini;
se so’ scassate n’ata vota ‘e riente.
Mò traballa, ‘a panchina di Iachini:
che ce ne fotte? Nuje stamme cuntente…

Clicca qui per vedere il video incorporato.

ca bell’e buono sblocca ‘o risultato.
Nuje stamme tutte addietro, a surviglià
Ibrahimovic (anema longa), e  Pato,
senza tenè ‘o curaggio d’attaccà.

E chest’è niente; doppo na mez’ora
russo a Pazienza. Statte buon’e sante:
è ghiuto tutto stuorto, e che malora!
Sarrà nu paliatone, ma pesante…

E invece mò accummencia la battaglia.
‘O ciuccio l’ha sentute, sti frustate,
e se vò ribellà:  mozzeca, raglia.
Abbiati fa nu cuofen’e parate.

‘O pareggio ce sta: nunn’è miraggio,
ma c’avimma scuprì, chest’è normale,
e ‘o svedese accussì ce fa rammaggio.
Lavezzi fa nu gol eccezionale,

ma è tarde. Na nuttata d’amarezza:
continuammo cu chesto su e giù.
Jamme, Napule: miez’a sta munnezza
ce rimanive sulamente tu!

Clicca qui per vedere il video incorporato.

Ma ncopp’o campo nun ce steva, ‘o ffuoco.
Contr’a squadra d’e quatto scarrafone
avimme fatte overamante poco,
e alla fine, fuje grann’a delusione.

‘O Napule, guardingo e timoroso,
pure si nunn’a fatto stravedè,
mo’ è stanco, e s’adda mettere a riposo.
A chi serve sta Coppa, Presidè?