Oi Mourì

Arapete intervista,
famme sentì a Mourinho,
russo comm’a na scigna,
ca nun se po’ vedè!…

Oi Mourì, oi Mourì,
quantu tiempo aggio perso cu te,
primm’e capì,
c’a vittoria puteva venì;
Oi Mourì, oi Mourì,
t’o penzave ca jeva accussì?
Nun t’avvelì,
Oi Mourì, oi Mourì!

I’ nun truvavo pace,
perdevo contr’a tutte,
e stevo stracc’e strutte,
po’ aggio ‘ncuntrat’a te…

Oi Mourì, oi Mourì,
‘o scudetto t’o tiene pe’ te,
però t’ea stà,
stì tre punte rimangono qua!
Oi Mourì, oi Mourì,
n’ata vota è fernuta accussì,
mò te n’ea ì,
Oi Mourì, oi Mourì!

Clicca qui per vedere il video incorporato.

ce chiurimme int’all’area di rigore,
e Cordoba, ch’e nomme fa Ramiro,
ricev’a palla, e fa nu diece ‘e tiro;
eccoqua, stammo sotto. E che dulore!
St’interiste so pure furtunate:
Muntari (ca se sape ch’è na lota)
è ghiuto in porta p’a siconna vota
adderizzanno tire sturzellate.

No sulo p’a sconfitta, stamme triste.
Ham Sik-Sik: pe’ te, artefice magico,
è nu mumento overamente tragico:
sbagliaste n’incantesimo, e spariste!

Addò staje? T’arricuorde ‘e tempi belli,
quanno pe’ copp’o campo eri o cchiù ‘nzisto?
Amma fa na chiammata a “Chi l’ha visto”:
chi te trova, avvertisse la Sciarelli!