Il Napoli ha due giornali in rima, solo uno in napoletano: ‘Onapule.it » il napoli

LAZIO-NAPOLI 1-1

admin — Sat, 03 Apr 2010 23:57:28 +0000

Pecchè, doppo cacciato a Ballardini,
se pigliaje Edy Reja, chillu Lotito?
‘O ssanno tuttequante, anche ‘e bambini:
cumm’è, ca sulo tu nun l’e capito?

Pe fà, l’anno che vene, ‘a serie B!
“Visto che a forza ce dovemo annà,
ce pijamo un esperto: questo qui,
così ce cominciamo a preparà…”

Edy, scusa, pe chesta cattiveria:
t’avimma dice sulamente grazie.
Però la situazzione è molto seria:
‘a toja, purtroppo, e chella della Lazio.

E’ na squadra irritabbile e nervosa,
ca specialmente è fraggile in/difesa.
Se al Napule ‘a capeveno, sta cosa,
di sicuro ‘a facevano, l’impresa.

Ma ncopp’o campo, il Napoli non c’era:
si ce steva, pareva assaje distratto.
Già senteva ‘o profumo d’a pastiera:
già vedeva ‘o capretto dint’o piatto.

E ‘o vedettemo tutti, comm’è ghiuta:
doppo ca Marekià signaje ‘o pareggio,
‘a partita, int’a n’attimo, è fernuta,
E va buono: meglio chesto, ca peggio.

Accussì c’a magnammo, sta menesta.
Mò facimmoce Pasca: bona festa!

Clicca qui per vedere il video incorporato.

NAPOLI-SAMPDORIA 1-0 (in napoletano)

admin — Sun, 10 Jan 2010 21:55:59 +0000

Chi capisce ‘o pallone, certo ‘o ssape
C’a parte chiù importante nun se vere:
‘e partite se jocano ch’e piere,
ma ancor’e chiù, se jocano c’a capa.
E’ nu fatto: mo stammo dint’e big.
Le squadre dell’Olimpico e San Siro
‘ e tenimmo egualmente sotto tiro,
cu’ loro ce jucammo ‘a Ciempionlig.
Sta cosa ce fa mettere appaura:
‘a sta ccà, ncopp’a tutte, ce fa strano,
e ‘o Napule accummencia chianu chiano.
Ma Cannavaro fa na gran figura:
quanno Cassano, ‘o giocoliere, tocca,
‘o frate ‘e Fabio proprio nunn’abbocca,
e ce lo leva subbito, il pallone.
(‘E specialiste in giochi, trucchi & affini:
l’ipnotista ed il prestigiatore
sul’e doje tipe teneno timore:
dell’addurmute, e pure d’e bambini).
Quanno Lavezzi scatta, ma se stira,
ce pare comme fosse nu signale:
“e chesta è a vota ca fernesce male”.
E invece ‘o pubblico presente ammira
‘na squadra scalpitante e generosa:
unnece giucatori battaglieri
ca fanno nire a quelli di Del Neri.
Mazzà, sì gruosso, tu sì n’ata cosa!

Clicca qui per vedere il video incorporato.

ATALANTA-NAPOLI 0-2 (in napoletano)

admin — Wed, 06 Jan 2010 18:01:09 +0000

Sarrà tosta? Pe’ forza! E che scuperta:
bergamaschi, leghisti e montanari.
Già ce va buono, si da sta trasferta
c’arretirammo ‘a casa cu nu’ pari.

‘A classifica loro nun l’esalta?
E a nuje manco p’a capa ce ne passa.
‘A città loro è bella, int’a part’alta,
ma Bergamo pe nuje fuje sempe bassa…

E po’ sta n’atu fatto: dopp’e feste
o Napule, ‘o sapimmo ca fa pena.
Mo ci’a pigliammo, na lavat’e testa:
‘a tenimmo int’all’uocchie, chesta scena.

E invece no! L’azzurre vanno in campo
comme si maje si fosseno fermate.
Subito annanze cu na rete lampo
‘e Quagliarella, stanno cuncentrate:

va buono, Hamsik e Maggio fanno poco,
e Lavezzi se vere a intermittenza:
ma cummannammo tutt’o tiempo ‘o gioco,
e doppo segnarrà pure Pazienza.

Grazie pe stu rialo, né Befana!
N’atu bellu capitolo ‘e sta storia
l’amma scrivere a fine settimana.
Sta arrivanno Cassano, c’a Sampdoria!

Clicca qui per vedere il video incorporato.

NAPOLI-CHIEVO 2-0 (IN NAPOLETANO)

admin — Sun, 20 Dec 2009 16:20:34 +0000

‘’O destino è destino: è sempe strano,
tutto l’anno: pirciò, pur’a Natale.
Ca propi’ essa: la sua cara Milano
‘o scuncecasse: le facesse male

isso non s’o sunnava, certamente.
Si l’avisse pigliato un po’ più su,
chi ‘o po’ sapè. Ma certo, ‘o Presidente
quel souvenir, comme s’o scorda chiù?

Ora, aspettarsi un poco di armonia
‘o dimostran’ e fatte: ce se sbaglia.
Sarà stu friddo, ma ‘a democrazia
batte ‘e diente, c’ha i brividi, tartaglia.

Stu clima – l’amma dice – fa spavento:
chest’è ‘o mumento ca s’adda cagnà.
Se non i contenuti, l’argomento:
di calcio forse è meglio ‘e c’occupà…

Poche juorne, e nu sciummo de melassa:
tombolate, magnate sovrumane.
Pe tutto chesto amma pavà ‘na tassa:
senza pallone pe’ tre settimane…

Napoli-Chievo: cà facimm’a botta,
è na partita tutta da vedere.
E’comme fosse Milan-Fuorigrotta,
ma la lotta sarrà senza quartiere.

Battaglia, avimmo ditto: e chesto fuje.
Si ‘o Chievo pare bene organizzato,
chesto nun se po’ dicere pe nuje.
‘O Napule è distratto, ‘mbambulato:

Denis se sbatte, e piglia nu rigore,
però l’attacco accocchia poco e niente.
Troppe d’e nuoste fann’e spettatore,
Marekiaro non c’era: steva assente.

‘E chesta squadra ce se po’ fidà?
Na vota joca bene, e n’ata male.
Chesta partita è meglio ‘e cià scurdà:
raddoppia Quagliarella, e buon Natale!

Clicca qui per vedere il video incorporato.

CAGLIARI-NAPOLI 3-3 (in napoletano)

admin — Sat, 12 Dec 2009 18:34:13 +0000

Mazzà, si’ forte. Ncopp’o Sant’Elia
‘e pariggiato all’ultimo minuto,
e ‘o pubblico d’o stadio resta muto,
comme si fosse na furfantaria.

Già se faceva chiatto, isso: Cellino.
Troppi vvote, ‘a passata, nel finale
stu Cagliari c’aveva fatto male:
pareva propio scritto int’o destino.

Circa doje anne fa, stevemo pronti
a festeggià, ccà abbascio, la vittoria:
ma all’ultimo siconno, ‘a stessa storia,
ce trafiggette ‘o figli’e Bruno Conti.

Pure stavota ‘o dramma andava in scena:
avanti di doje gol, senza strafà,
‘o Napoli s’a fatto sorpassà.
Mo perdimmo! Che tuosseco, che pena!

Ma so luntane ‘e tiempe ‘e Donadoni:
ca mo c’a dammo nuje, la fregatura.
Andiamo sotto? Embè? Quale paura:
sopr’o campo stanno unnece lioni!

Clicca qui per vedere il video incorporato.

NAPOLI-BARI 3-2 (in napoletano)

admin — Sun, 06 Dec 2009 16:05:57 +0000

‘E neonate (ca so’ piezz’e core)
si chiagneno pe’ famma, o pe’ dulore
‘o fanno con un tono differente:
sul’a mamma ‘e capisce, quann’e sente.
Succere ‘a stessa cosa in serie A:
ca so’ diversi i modi d’esultà.
Inzaghi allucca: l’uocchio spiritato,
corre p’o campo comm’a ‘n’esaltato.
Tanta campione, e quindi, tanta stili.
Ce stà ‘a corsa ‘e Tardelli, (quanta chili
e (pare ajere) quantu tiempo fa!),
ca dint’a storia sempe restarrà.
Invece ‘e se sfucà cu abbracci e salti,
Batistuta sparava ncopp’e spalti,
e dopp’e gol – v’allicurdate, o no? –
ce pigliava a frecciate, Calaiò.
‘O chiù bello a verè ce pare Maggio.
Ce fa l’inchino, comme fosse un paggio;
ringrazia a nuje, e alla sua buona stella.
Fuje doppio, nel trionfo, Quagliarella:
‘a primma rete rimanette zitto
comme fa no chi vence: chi è scunfitto.
Cu chest’atteggiamento, figli’e Stabia,
‘e sfucato in silenzio la tua rabbia?
Va buò. Ma mo, chello ch’è stato è stato:
‘o rapporto c’a gente è resettato.
A chistu punto, ‘e cunte sono pari:
e infatti, c’o siconno gol al Bari
t’ sì sciolto: t’ si lasciato andare.
Quaglia, tu sempe chesto devi fare!

Clicca qui per vedere il video incorporato.

PARMA-NAPOLI 1-1 (IN NAPOLETANO)

admin — Sun, 29 Nov 2009 16:52:56 +0000

‘O Napule n’avette, di occasioni.
Tre punti? Quanno maje: nu punto sulo.
Al finale è arrivato Trefoloni,
e zittu zitto, ce l’a miso …..

Va buono, ‘a ce ‘nguaià nun fuje sul’isso:
‘a squadra s’è battuta, è stata bella,
però (nu fatto ca succere spisso)
se scurdaje int’all’albergo a Quagliarella.

Nun l’abbastajeno ‘o grana c’a prisutta,
c’a divorato in grande quantità?
Adda tenè na famma proprio brutta,
si pure dint’o campo adda magnà!

L’appetito, se sa, vene magnanno.
N’ato azzurro c’a mise int’e casini:
Aronica, e l’a fatto proprio quanno
pe’ rimedià era tardi: anzi, Tardini…

Clicca qui per vedere il video incorporato.

NAPOLI-LAZIO 0-0 (in napoletano)

admin — Sun, 22 Nov 2009 17:00:02 +0000

Non c’entra Donadoni,
nun c’azzecca Marino:
è robba ‘e cromosomi,
sta scritt int’o destino.

Contr’a Lazio nu Napoli
ca nun se po’ guardà?
Nunn’è questione ‘e modulo,
se tratta ‘e DNA.

Na vota fa faville,
n’ata vota fa pena:
nu juorno simm’ l’Inter,
e n’ato simm’o Siena.

Insieme al detto tragico
che “ccà nisciuno è fesso”,
ce sta n’ata cundanna:
ll’iperbole, ll’eccesso.

Tutt’è fore misura,
pe dint’a sta città.
E nun ce sta ‘na cura:
nun ce sta nient’a fà!

Clicca qui per vedere il video incorporato.

CATANIA-NAPOLI 0-0 (in napoletano)

admin — Sat, 07 Nov 2009 21:00:45 +0000

Nu se po’ ghì pe’ sempe a cient’all’ora:
doppo curruto, a forza vai chiù chiano.
Certo, era bello si venceva ancora,
stu Napoli. V’o dico a copp’a mano:

è paruta na squadra suddisfatta,
ca già s’è tolta tutt’e fantasie:
saziata. Si ‘o Catania nun ce vatte
è pecchè fanno troppe fessarie

‘e jucatore suoje: ma, s’adda dice,
pure pe’ via di un ottimo portiere.
Pe’ Morgan ‘a serata fuje felice:
agile, e pure bello da vedere.

In passato, non sempre convincente
(jà, certi vote nun l’avisse acciso?)
ma stavota ‘o dicimmo apertamente:
De Sanctis ce n’avimme, n’paraviso!

Clicca qui per vedere il video incorporato.

Juventus-Napoli 2-3 (in napoletano)

admin — Sat, 31 Oct 2009 20:30:31 +0000

Ce pare comme fosse n’ata vita:
‘o capo d’o guverno era De Mita,
e – ve l’allicurdate? – chill’ometto
ch’e baffe: se chiammava Achille Occhetto
eletto segretario d’o PCI?
Allora ‘e cose jevano accussì.
Nun parlammo d’o quinnece-diciotto:
comunque è n’atu munno, l’ottantotto.
P’o Napule chill’anno fuje speciale:
fuje l’urdema vittoria ‘o Comunale.
A Berlino – è sicuro: ‘a cosa è certa –
chell’anno ‘o Muro steva ancora allerta,
e George Bush fuje fatto presidente
(‘o pate: ma nunn’era ancora niente…)
‘A poco s’era perso nu scudetto,
ma ognuno ce guardava cu’ rispetto:
nel novanta ce fuje n’ata occasiona
vincente, cu Careca e Maradona…
Ma tutt’a squadra steva frisca e tosta.
Cirù, tanno tenive ‘a maglia nosta…
E’ pe chesto che a te va stu penziero:
pe’ sta vittoria, ‘o GRAZIE chiù sincero!

Clicca qui per vedere il video incorporato.