CATANIA-NAPOLI 3-1 (IN NAPOLETANO)

admin — Sun, 24 May 2009 19:50:49 +0000

“Penultima: n’abbasta a ringrazià,
Pataterno – è ‘a preghiera d’o tifoso, –
ca chesta squadra nun se po’ guardà:
sta concludenno in modo vergognoso”.

Sissant’anne, faceva ‘o Presidente:
nu rialo l’avesse assaje gradito,
ma ‘o Napule nun se ne fotte niente.
Trasferta? ‘O mazziatone è garantito.

Primma faceva friddo, e mò fa caldo:
chest’afa è nu turmiento, na tortura.
Ma ‘o Napule nun tremma, e resta saldo:
chi se ne ‘mporta, d’a temperatura?

Comm’era na latrina a zero gradi,
pure è a stessa latrina a trentadue.
Se cagnan’e città, cagnan’e stadi,
ma la squadra remmane sulle sue;

ma mò è sagliuta pure ncopp’e nostre.
Nun ce sta chiù na briciol ’e pacienza:
basta, guagliò, scennite ‘a copp’e giostre.
L’anno ca vene, ‘e vuje facimmo senza!

Clicca qui per vedere il video incorporato.

NAPOLI-CATANIA 1-0 (in napoletano)

admin — Sat, 10 Jan 2009 22:22:41 +0000

Spisso, a gennaio, ‘a squadra fa fetecchia.
Nunn’è na nuvità: è ‘na storia vecchia.
‘A festa, e l’abbondanza della menza
c’hanno inguaiato chiù ‘e ‘na ripartenza.
So curiuse, ‘e tifose, e nunn’o sanno:
succedarrà accussì pure chest’anno?
Tra novanta minute, la risposta.
‘O Catania, se sape, è squadra tosta:
‘a quanno è ghiuta in mano a Walter Zenga
‘a porta è chiusa, nun ce stà na senga.
‘O Napule è sturduto, mbambulato:
Lavezzi, ma ched’è, nun sì turnato?
Ce mannaste la tua controfigura…
L’azzurre fanno fottere ‘e paura:
dint’o campo è nu strazio generale.
Chillo ca joca peggio è stu Vitale;
nunn’ha ‘ncarrato manco nu passaggio!
E tu invece ch’e fatto, caro Maggio?
Niente. E quell’altro, il grande giocatore,
Hamsik, ca s’a magnato nu rigore!
Tre punti, addio: bai bai, tanti saluti.
Ma qua il Napoli caccia gli attributi:
Denis dà a Lavezzi, ‘o Pocho a Maggio,
c’a mette in porta: comme, nunn’o saccio.
Dummeneca, in trasferta, ce stà ‘o Chievo.
Napule, venciarraje? Risposta: “Devo!”

Clicca qui per vedere il video incorporato.

Il Napoli ha due giornali in rima, solo uno in napoletano: ‘Onapule.it » catania

CATANIA-NAPOLI 3-1 (IN NAPOLETANO)

NAPOLI-CATANIA 1-0 (in napoletano)