Il Napoli ha due giornali in rima, solo uno in napoletano: ‘Onapule.it » cagliari

CAGLIARI-NAPOLI 2-0 (in napoletano)

admin — Sun, 19 Apr 2009 20:00:06 +0000

Segna subbeto, ‘o Cagliari: in partenza.
Nun dammo retta: amma tenè pazienza,
e chillo nuje – purtroppo! – ce l’avimmo.
No, Donadoni: ancora nun ce simmo.
‘O Napule è nu ciuccio, e trotterella:
vulà vulesse, ma le manca ‘a scella.
Pe furtuna, int’a porta, cu sti ciucci
ogge ce sta piazzato Luca Bucci,
ca pure si lle vene nu catarro
è sempe molto meglio di Navarro.
Lavezzi e Blasi nun fanno pertuse:
l’isolane discendono, furiuse.
Cercan’e raddoppià, però nun ponno:
c’è Santacroce, all’urdemo siconno.
Int’a ripresa ‘o Napule è chiù sveglio,
e ‘a palla gira un pucurillo meglio.
Stamme pe’ pariggià? Nun ce se crede:
Lazzari ce castiga in contropiede
Sii chiaro, Marekià: nun vuò restà?
dillo, e accussì te venne, ‘a società.
Chesti toje prestazione, i’ nun m’e spieco:
nun sì slovacco, tu sì zuoppo e c(i)eco!

Clicca qui per vedere il video incorporato.

NAPOLI-CAGLIARI 2-2 (in napoletano)

admin — Mon, 24 Nov 2008 09:07:50 +0000

Acquafrè, tien’a faccia ‘e nu criaturo:
ma che buò cumbinà cu Santacroce,
ca t’ha fatto fa sempe cap’e muro?
Stamm appena all’inizio d’a partita
e ‘o Napule se trova già in vantaggio.
Stiveve Allegri, sì? Ma è già finita;
avite perso, jatevenne ‘a casa.
Ma joca meglio ‘e quanto non si creda,
stu Cagliari: che dè, le pror’o naso?
Par’o film “Il ritorno dello Jeda”,
brasiliano c’a faccia ‘e giapponese.
‘Il Napoli se piace: gigioneggia,
nun pressa chiù, rallenta, se cunfonne,
e bell’e buono, ‘o Cagliari pareggia.
‘E sbagliato doje gol, (te scuorde comme?)
pe doje sbaglie accussì, ce vò coraggio.
A chistu punto t’ea cagnà ‘o cugnomme:
’a mò te chiamme Mangio, e non più Maggio!
Quanno segna Lavezzi, nel finale
tuttequante a gridà: “Stavota è fatta!”,
ma hanno sbagliat’e Conti: st’animale
segna pur chest’anno. E’ pari e patta!