Il Napoli ha due giornali in rima, solo uno in napoletano: ‘Onapule.it » atalanta

NAPOLI-ATALANTA 2-0

admin — Sun, 09 May 2010 19:02:02 +0000

‘E fatica ce n’è voluta tanta:
difficile a chiegà chest’Atalanta,
ca corre: nunn’è certo n’Ata/lenta,
in specie cu’ Valdez, e cu’ Guarente.
Ma ‘o Napule ogge tene nu tridente:
e ‘a ponta chiù appuntuta, pare chella
ca currisponne a Fabio Quagliarella.
Vencimmo: e fin’a ccà, tutto normale.
Ma succere coccosa di speciale:
‘o Parma, ca c’aveva castigato,
ha ripetuto ‘ o stesso risultato
vattenno la Juventus in trasferta.
‘A porta dell’Europa nunn’è aperta:
è spalancata. E scoppia l’esultanza:
l’azzurre hanno salvato la vacanza!

Clicca qui per vedere il video incorporato.

ATALANTA-NAPOLI 0-2 (in napoletano)

admin — Wed, 06 Jan 2010 18:01:09 +0000

Sarrà tosta? Pe’ forza! E che scuperta:
bergamaschi, leghisti e montanari.
Già ce va buono, si da sta trasferta
c’arretirammo ‘a casa cu nu’ pari.

‘A classifica loro nun l’esalta?
E a nuje manco p’a capa ce ne passa.
‘A città loro è bella, int’a part’alta,
ma Bergamo pe nuje fuje sempe bassa…

E po’ sta n’atu fatto: dopp’e feste
o Napule, ‘o sapimmo ca fa pena.
Mo ci’a pigliammo, na lavat’e testa:
‘a tenimmo int’all’uocchie, chesta scena.

E invece no! L’azzurre vanno in campo
comme si maje si fosseno fermate.
Subito annanze cu na rete lampo
‘e Quagliarella, stanno cuncentrate:

va buono, Hamsik e Maggio fanno poco,
e Lavezzi se vere a intermittenza:
ma cummannammo tutt’o tiempo ‘o gioco,
e doppo segnarrà pure Pazienza.

Grazie pe stu rialo, né Befana!
N’atu bellu capitolo ‘e sta storia
l’amma scrivere a fine settimana.
Sta arrivanno Cassano, c’a Sampdoria!

Clicca qui per vedere il video incorporato.

Napoli-Atalanta 0-0 (IN NAPOLETANO)

admin — Sat, 11 Apr 2009 20:50:36 +0000

Dopp’ o disastro enorme ca ‘nce stato
l’avevana fermà, stu campionato.
Ma ‘o Napule sa comme prutestà:
scenne in campo, però senza jucà.
Pe commentà (pe chesto jammo ‘nfreva)
sulamente na cosa ce vuleva:
c’o San Paolo ce stesse ‘na partita.
Quanno Tommasi sisca ch’è finita,
‘o capimmo: fuje tutta n’illusione.
Qua Pasca e Pasca di Risurrezione!
Donadoni Roberto (“ ‘o Bergamasco”…):
pe mò, ccà abbascio staje facenno fiasco.
So quatto, ‘a quanno sì l’allenatore,
e chesta è certamente la peggiore:
chiù brutta ‘e l’urdeme d’o friulano,
ca certo sta rirenno, da luntano.
Stì giucatore ccà, nun so’ normali!
I’ che stranezza: risultato a occhiali,
ma nun c’è stato niente da vedere.
Nun ne facette, papere, ‘o purtiere,
Navarro: quindi mò niente processo.
Si nun ce steva, ‘o lloro, era lo stesso.
E Datolo, l’acquisto più bislacco?
Ri-datolo, ca c’anno fatt’o pacco!

Clicca qui per vedere il video incorporato.

ATALANTA-NAPOLI 3-1 (in napoletano)

manzo — Sun, 16 Nov 2008 19:19:00 +0000

All’Atalanta l’amme mise ‘o freno!
Si penzammo allo scorso campionato
amme pigliate ben doje gol in meno:
ma è l’unico progresso ca c’è stato.

Ncopp’o campo chiù brutto e chiù leghista
(- pecchè lo schifa il Sud, ‘o bergamasco – )
Scennettemo sognando la conquista,
ma fuje tutt’o contrario: fuje nu fiasco.

‘A squadra era bloccata, paurosa,
comme già succedette ch’e doriane.
‘O Napule ‘e na vota è n’ata cosa:
sperammo ca ritorna già dimane!

Lavezzi: scrive Pocho, e liegge poco.
E’ stato sulamente spettatore,
nunn’è trasuto quase maje nel gioco.
E’ overo, s’a pigliato nu rigore,

ca però – francamente – nun ce steva.
‘A squadra soffre, se trammea, s’incanta:
e gioca meglio – ‘o dico, e vaco ‘nfreva –
chest’antipaticissima Atalanta.

L’arbitro, in giallo, ‘e cartelline gialle
ci’e fa vedè (ma è n’ommo ‘e meza tacca):
Zalayeta – na statua- fa doje falle,
e stavota esce ‘o rrusso, ‘a dint’a sacca.

Quanno gioche accussì, Napule, t’odio:
‘i dico pane al pane, e vino al vino.
Amma sperà ch’è stato n’episodio:
‘a prossima è c’o Cagliari ‘e Cellino!