“ ‘A casa, ‘o genovese nun t’invita:
tutt’o cuntrario d’o napulitano”.
(Luoghi comuni: nunn’è mai finita,
ma puverielle: veneno ‘a luntano…)

Sta invece ‘e casa ccà, la genovese,
ma certi vote resta un po’ indigesta.
Chistu Genoa tene assai pretese:
e c’a vulesse arruvinà, la festa.

L’ansia è presente, pure si se finge
ca nun ce sta. Allegri è schiattamuorto:
“Chi lo sa, forse il Napoli non vince…”
Massimilià, spiacenti: tiene tuorto!
Certo, nun simme chiù accussì brillanti,
ma la città pò esse sodisfatta;
simme cuntate, nun ce stanno santi
(si ce stesseno, ‘a cosa fosse fatta!) Leggi tutto…

E cumm’è: chesta squadra c’annamMORA
MOR’Accussì, pe mezz’e na serata?
AROM’avvio, doppo sta bastunata?
MARO’, che guaio: i’ nun ce crero ancora….

E’ nu mumento aMARO, propio niro:
mA MO’Rammo, c’avimma arrepiglià.
ORMAje sulo na cosa se po’ fà:
ARM’O fucile, e partì pe San Siro!

Di Hamsik, all’Amsicora: già ‘o ssaje,
fotografie tu nun ne truvarraje.
Lloco ncoppa (parlammo d’o sittanta),
‘o Cagliari di Riva era nu schiante.

‘E chella squadra certo nunn’è degna
chesta ccà, che all’Arena di Sardegna
è seppellita sott’a na cinquina
d’o Napule: ‘o Ciclone ca cammina.

Tu invece ‘e fatto tombola, né Cragno!
Nu favore alla Juve? No, nu bagno.
Avisse dimostrato un po’ di acume
si fusse sciso in campo c’o custume….

Segna Calle: e di botto, la serata
addeventa na bella passiggiata,
addò segnano quase tutte quante:
sia ca so’ difensore, che attaccante.

‘A uno sulamente è ghiuta buca:
è n’amico d’o mio (se chiamma Luca),
ca scummettette ncopp’o quatt’a zero.
Puveriello, al finale steva nero….

Valid XHTML 1.0 Transitional Valid CSS!