Nun songo né Tiresia, né Calcante:
nu me sento profeta de sventura,
però si ce mettimmo a guardà annante
nunn’è rosa, ‘o futuro: fa paura.

Se so cacciate un sacco de miliarde
- ‘a spesa, pe’ quaccuno, è stata troppa -,
però ‘o sapimmo buono: presto o tarde
ce vuttarranno fore dalla Coppa

(‘a Champions, ovviamente). E a chillu punto
ce verrà naturale ‘na dimanna:
qua risultate ‘o Napule ‘a raggiunto?
E’ cuntento chi pava: chi cummanna?

Simme cadute in basso troppo ampressa.
Nisciuno s’aspettava lo scudetto,
però sta squadra nun ce pare ‘a stessa
ch’e nemice ‘e scippava ‘o core ‘a pietto.

Tanno eravamo un Napoli corsaro:
pe’ te, Mazzarri, c’era assaje rispetto.
Ma mò tu sai che sì? Nu chiagnazzaro,
ca tene sempe ‘mmano ‘o fazzuletto.

Dell’arbitro, stavota te lamiente.
Ma guard’a casa toja, facce ‘o favore:
sta squadra in campo nun cumbina niente,
è fiacca, e attacca c’o rallentatore.

Mazzà, sì stato bravo, chest’è overo,
ma mò me pari in fase discendente.
Diciste “Vado via”. Fuste sincero:
fuje buono a trattenerlo, presidente?

Se vincette in Coppa Italia,
ma a Marassi
fuje nu scasso:
e chest’è, gioia e dulore.
‘O pirata steva fore,
e Palacio l’ha punito.
Forse è ‘o Genoa, il corsaro…
E addò steva Cannavaro
quanno Gila c’ha colpito?
Simme granne contr’e granne,
scarse contr’e piccerelle,
ca ce lassano in mutanne.
Che facimmo, ‘e guarattelle?
Giucatore della rosa,
site sante, o farabutte?
E’ ‘o mumento ‘e fa quaccosa,
ca oramaje ce simme rutte!

Che strano: i nostri eroi, date pe’ muorte,
nei solite tre ghiuorne (!) so’ risorte.
Sì: sta partita ccà l’ammo ‘ngarrata,
ma l’Inter pare muorta e sutterrata.
Certo, se sbatte, ma  cumbina poco:
pe tutt’o primmo tiempo senza gioco,
circa ‘e s’arrepiglià dint’a ripresa,
ma è lenta, poco mobile in difesa,
e pe doje vota la strunzea Cavani.
Mo’ parlammo un momento del domani.
Tra le due squadre in testa al campionato
e  l’ate, ce sta chiù ca nu fussato:
è nu puzzo, nu baratro, n’abisso.
Pirciò, si pure ‘o Napule riuscisse
a superà stu sorpendente Siena
un’e lloro ce l’adderezza, ‘a schiena.
Quale fosse ‘a morale ‘e chesta storia?
Finchè ce stà, godimmoce  ‘a vittoria!