Il Napoli ha due giornali in rima, solo uno in napoletano: ‘Onapule.it » Senza categoria

NAPOLI-GENOA 6-1

admin — Wed, 21 Dec 2011 22:44:38 +0000

Venette vierno, e nuje ‘nserrammo ’e porte:
nu pucurill’e vino e doje virole,
ma ‘e ghiurnate già mò so’ meno corte,
a aret’a pioggia s’annasconne ‘o sole.

‘O discorso l’ho preso un poco al largo,
ma da stu fatto mò arrivammo a n’ato:
‘e squadre stanno ascenno d’o letargo,
cu’ sabato ritorna ‘o campiunato!

‘O Napule perdette contr’a Roma
scatenanno l’allarme generale,
ma c’o Genoa ascette ‘a dint’o coma.
Sei reti: baci, abbracci e buon Natale,

ch’e susamielle, o capitone, e i doni
(‘e riale: c’a “d” chiù piccerella).
Però mò basta. So spariti i suoni
d’e zampogne: è fernuta ‘a zezzenella.

Anno novo, stai cà. Si ‘o benvenuto,
pure se (che buò fà…) si’ bisestile.
Possiamo ripartire a spron battuto?
L’avimmo caricate, chesti pile?

Stu Napule na vota è stato in C,
e dal C/le è in arrivo na surpresa:
Vargas, che pe’ furtuna ha ditto sì.
Nunn’è ca nuje tenimmo la pretesa

ca arriva, piglia ‘a palla e ‘a votta in rete:
però ‘a speranza nosta è semp’a stessa.
Oltre che famma, cà tenimmo sete
‘e vittoria: pirciò, cilè, fa ampressa!

NAPOLI-PARMA 1-2

admin — Sat, 15 Oct 2011 23:12:52 +0000

Mazzà, te l’aggia dicere:
‘o saccio ch’è difficile,
però t’ea ‘mparà a perdere.
Nuje simme state abuliche,
e loro assaje chiù pratiche:
chesto l’avisse ammettere.
Invece parle a schiovere,
e t’apiglie cu l’arbitre:
“nu rigore incredibile,
e troppe falle tattiche….”
Jamme: accussì faje rirere.
Walter, fattello dicere:
si nun te ‘mpare a perdere,
comme putisse vencere?

‘O sciopero d’è jucatore

admin — Mon, 29 Aug 2011 19:15:34 +0000

‘O Guverno ce spreme e ce salassa,
e nuje calamm’a capa: e sissignore.
Simme pronte a pavà qualunque tassa.
Stanno quaranta grade, fa calore?

Embè, che ce vuò fa….stamm’a stagione.
Insomma: Patatè, pienzece tu.
Sì: però, si ce toccano ‘o pallone,
allora nun capimmo niente chiù.

‘E jucatore stanno contr’a Lega,
e ‘a Lega dice: state vuje, in errore!
Ma ‘e tutto chesto,a nuje che ce ne frega?
Amici mie, facitece ‘o favore:

mettiteve d’accordo, e pure ampresso:
è ‘a fine ‘e Austo, ‘e o calcio mò ce spetta.
Beretta, nu cunsiglio: nun fa ‘o fesso,
o invece preferisse na Beretta?

NAPOLI-BOLOGNA 4-1

admin — Sun, 21 Nov 2010 23:10:07 +0000

Cu chesta nosta “classe dirigente”,
ca nunn’a maje diretto ‘o rest’e niente,
e quanno, comm’a mò, ce vò pruvà
nunn’ave idea de chello c’adda fà,
facennoce affucà dint’a munnezza,
Napule: tu si l’unica certezza.
‘E cancielle d’o stadio è poca ‘a fila:
simme sultanto vinticincmila,
pecchè chiove a zeffunno, e vott’o viento:
ma chi è venuto, se ne va cuntento.
Dice ‘o calcio: s’i vinco, a te t’inguajo.
Dispiace p’o Bologna di Di Vaio,
però ‘e percors nuost’ so diverzi:
cu sta vittoria, nuje turnammo terzi.
Maggio, si nunn’esulti, te capimmo:
cu te, so tanta mise ca chiagnimmo…

Clicca qui per vedere il video incorporato.

CHIEVO-NAPOLI 1-2

admin — Sun, 02 May 2010 19:08:43 +0000

‘A Ciempions, nuje c’a simmo già scurdata:
sulamente na cosa mò ce resta.
Avimma fà ca all’urdema jurnata
‘a squadra nunn’è settima, ma sesta.

C’o sesto posto – l’e capito, tu? –
‘o Napule starrà senza fa niente
ncopp’a na spiaggia, vinte juorne ‘e chiù.
Settimo, è ‘o piazzamento d’e fetiente:

pecchè si nun reposa int’all’està
‘o jucatore, l’anno ca mo’ vene,
a marzo sta già stanco: nun c’a fà,
e p’o finale, forze nun ne tene.

Stu fatto le dicette, isso, Mazzarri:
“Si nun vattite a sti scamorze ccà,
v’aspetta na staggione di catarri”.
E tuttequante in coro: “S’adda fa!”

Pe’ stà chiù tempo sott’all’ombrellone
l’avimme viste correre, e sudare.
‘O messaggio ‘e ll’azzurre alla nazzione:
“Napule, sì pe nuje, squadra da mare!”

Clicca qui per vedere il video incorporato.