Torino, 14 ottobre, ore 19,53
Quanno l’arbitro “fà ‘a televisione”,
c’è venuto n’attacco di catarr:
te rienne conto ca sti curnutone
mò so aiutate pure dalla VAR,

ca serveva a evitare ‘e lloro mbruoglie??
Dybala, errore! Che felicità…
Ogne marito allucca, e vasa ‘a moglie,
(ca penza: ma cherè sta nuvità?)
Roma, 14 ottobre, ore 20,45
Mò tocca a nuje. Vabbuò: si ce va male
restammo sempe ncopp’e bianconere…
Ma l’occasione è storica, epocale:
‘o “chiù cinche” ‘ o tenimme int’e penziere.

Se parte. Simme rapide e tranquille.
‘A Roma invece è chiena de paure;
nun se vulesse pognere ch’e spille
(Lorenzo e Dries so’ punte? No, punture).

Ormai De Rossi è viecchio, un poco tardo,
e ‘o tourbillon d’o Napule ‘o sturdisce:
Insigne piazza il colpo di biliardo,
e chillo chiagne (sì, quann’o capisce…)

‘A colpa nunn’è a toja, povera Roma!
Na vota stive a capo de n’impero,
ma o nomme tujo, ‘o ssaje, rima cu “coma”:
na rima propio brutta, brutta overo.

Po’ accumparì, al finale, nu riflesso,
ma nun t’ea lusingà, dice la scienza.
Infatti nun va annanze, stu progresso:
muori, senza riprennere cuscienza…

Milano, 15 ottobre, ore 22,32
Peccato: era perfetta, sta jurnata
(l’ottava), da signarse c’a matita:
c’o Milàn ca l’aveva riacchiappata
pe’ ben doje vote – doje – chesta partita.

Ma che buò fa? Ce sta Maurito Icardi,
lassato –ma che bestie! – tutto solo:
cu sti regali, nunn’è troppo tardi
pe fa doje rete (la siconna, a volo).

Sabato viene ccà, Spalletti caro,
c’a squadra toja. Statte sicuro che
pe te sarrà nu juorno molto amaro:
mannammo a meno cinche pur’a te!