Mannaggia a isso, e a chi ce l’ha mannato,
stu giudice di linea. Sì, di poco:
però steva comunque in fuorigioco,
Icardi, quanno l’Inter ha signato.

‘O juoco nuosto è muscio: troppo lento.
‘O Napule int’all’area nun ce va:
se sente, la mancanza ‘e chillu là…
E’ na partita senza sentimento:

pigliammo ‘o gol, e poi tanti saluti.
L’Inter, che sta in vantaggio, n’apprufitta:
dicimmolo, l’addore d’a scunfitta
se sente d’e primissimi minuti.
Ripresa a cient’allora? E quanno maje!..
Facimmo un po’ di più, ma nunn’abbasta.
Nuje simmo fatte ‘e tutta n’ata pasta,
e tu, Bologna, te n’accurgiarraje!

Pe’ furtuna ce salva l’Atalanta,
ca ferma ‘e giallorosse: tre a tre.
Tra Spalletti, ‘o pelato, e Totti: ‘o Rre,
è guerra: ma pe nuje, na mano santa….