Napoli-Milan 1-1
29-02-16 - categoria Poesie in napoletano 2015-2016“Perdemmo brillantezza? Non è vero”,
dice , per sopra al webbo, il Napolista.
I’ però nunn’o credo: so’ sincero.
Pe’ me, piglia nu zarro (liegge: svista).
D’accordo, ‘e tiri in porta song’e stessi:
pur’o possesso ‘e palla, chiù o meno.
E allora: simme addeventati fessi?
Né, bellebuone, amm’ tirato ‘ o freno?
Higuaìn nunn’a vere chiù, la porta.
‘O fanno magnà poco, e pare fiacco.
Ma comme: ‘a soggietà nun se n’è accorta,
ch’a dieta già ce sta tutto l’attacco?
Certo, stu Milan ha jucato chiuso.
Dicimm’a verità: nunn’ha jucato.
Ma na vota ‘o mettevemo fuori uso:
è chesto ca facevemo, in passato.
Mertens e Insigne mò se so’ appannate:
Hamsik (cu Allan), ten ‘a lengua ‘a fora:
l’equilibrie d’a squadra so’ zumpate.
Si avimma fa n’impresa, chesta è l’ora!
Sarrà, lunnerì assera, Brunelleschi,
d’a cupola ‘e Santa Maria del Fiore,
a darce na risposta: o Bernardeschi?
Guagliù, nuje ccà rischiamm ‘o mal’ e core…