UDINESE-NAPOLI 1-0
22-09-14 - categoria Poesie in napoletano 2014-2015Pe’ vencere, cà ce vulesse, sì
ad Udine, l’aiuto di Houdini:
‘o mago, ca facesse na fattura.
Purtroppo ‘a squadra nosta fa paura:
va chiano, comme fosse, tale e quale
‘a partitella infrasettimanale.
Jucammo tutti in punta di fioretto:
manco n’affondo, manco un do di petto.
S’adda dicere: è stato nu peccato,
pecchè ‘o mago davvero c’ha aiutato
(sarrà stato, chisà, Mago Zurlì):
l’avversarie ‘e facette scumparì.
Di Natale addò sta, ca nun s’è visto…
Ma ‘o Napule, scusateme se insisto,
pur’isso è nu fantasma: è inconsistente,
e in attacco cumbina poco e niente,
fin’a che se smarrisce, e perd’o filo.
Quanno, al finale, segnarrà Danilo
doppo Corini, vince Stramaccioni:
Aurè, fa’ ampresso: accattece i co….ni!