NAPOLI-TORINO 2-0
27-10-13 - categoria Poesie in napoletano 2013-2014Torino: ere na furia, e se vereva,
cu l’Inter. Oggi invece, all’ora ‘e pranzo
‘a raggia, me sai dicere addò steva?
Chiù ca nu toro, me parive un manzo.
‘O Napule l’ha subbeto scuperto:
nu rigore in partenza, e arrivederci.
D’e giucatore tuoje, forse il più incerto
è stato ‘o chiù famoso: Winston Cerci,
che alla vigilia a nuje ce spaventava.
Quanno, al finale, tristemente è asciuto
‘o pubblico s’è chiesto: “Ma jucava?..”
Torì, meglio ca rieste zitto e muto:
chesta cà nun fuje maje partita vera,
pecchè semp’a tenettemo in cuntrollo.
L’atu rigore dite can nun c’era?
Facite nu reclamo in cart’ e bollo!
Pe cuntrastà a chest’Inler, a st’Armero
serveva n’avversario chiù brillante:
l’azzurre invece l’hanno fatto nero,
e di gol ne putevano fà tante.
“Dimme ciuccio: si’ pronto pe Firenze?”,
chiere Benitez. “Certo, mister: vado”.
(Na cosa seria, miez’a sti scemenze:
chi nasce tunno, po’ murì cuadrado??)