Chest’Udinese, senza a Di Natale
nun pare propio niente di speciale.
Corre, se sbatte, sì: ce mette ‘o core,
ma tira in porta sulamente ‘a fore,
e là ce trova a Morgan, ‘o pirata.
E chest’è, Guidolì: bona nuttata!
‘E nuoste stanno stanche, chest’è overo.
Ma quanno ce sta annanze ‘o bianconero
cacciano ‘a classe, e aggiungono ‘o curaggio.
Cavani per Lavezzi, ‘o gol di Maggio…
Sabato (già sta cà!) se va a Catania,
c’a Roma ‘a pariggiato con la Lazio.
Speranno po’ ca  nun pavammo dazio
ch’e tedesche, campione di Germania.
Pe nun fa scumparì l’alta tensione
Walter nun se presenta all’intervista.
Né, na cosa accussì nun s’è mai vista:
chi vota ‘e spalle alla televisione?