‘O Bayern, niro, pe’ mezora bona
joca alla grande, comm’o Barcellona.
Pare ca ce ne stanno quatt’e chiù:
e ‘o pallone addò stà, l’e visto tu?

D’o Napule, nisciuno sta scetato:
manc Cavani, ‘o Bello Addormentato.
Po’ cagna tutto: splendido passaggio
d’o svizzero, c’a destra lancia a Maggio,

ca fa nu cross priciso, lint’e pinto:
però è Badstuber, che la votta  a dinto.
E’ na magia: il boato della foll
spinge ‘o pallone, ca fernesce in gol.

Pure se di Cavani sempe prive,
int’a ripresa simme un po’ chiù vive;
mò c’o Bayern s’adda arrepusà,
quacchecosa ‘a riuscimmo a cumbinà.

Quanno l’arbitro sisca l’uno a uno,
‘e nuje, scuntento nun po’ sta nisciuno.
Certo, ‘o sapimmo ca prutegge a vuje
stu Monaco: ma De Sanctis sta cu nuje!