E’ ‘o vero, c’o rigore nun ce steva:
se vere buono, int’a televisione.
Ma l’Inter è schiuppata, è ghiut’in freva,
e alla fine ‘a pigliato tre pallone.

Però, pure quann’era ancora inter/a,
steva sturduta, comme fosse assente:
s’è capito ‘all’inizio, ca nun c’era,
ca nunn’avrebbe fatto ‘o rest’e niente.

Maicon, assùlo, scenne ncopp’a fascia,
Mai/con Pazzini truvarrà l’intesa.
Doppo pigliat’o gol, l’Inter s’accascia,
e accussì ce facilita l’impresa.

Mazzarri (ogge cinquanta), a nuje c’incanta:
Ranieri, addò è fernuta la tua flemma?
Napule – ce stupisce? – abballa e canta;
ncopp’ o giurnale, Corbo pare Auriemma…