MANCHESTER CITY- NAPOLI 1-1
14-09-11 - categoria Poesie in napoletano 2011-2012Pe’ chesti nutarelle d’occasione
ce vò sempe nu stimolo, n’aggancio:
embè, stavota ‘o spunto è l’espressione
‘e Roberto Mancini, detto Mancio.
Ma comme se po’ fà? I nunn’o saccio:
ch’e cose vanno bene o vanno male,
Mancini tene sempe ‘a stessa faccia:
comme si stesse areto a un funerale.
Mazzarri ‘o guarda, e dice: “Po’ t’o spieco
comme s’allena”. Ai suoi: “Magnataville!”
Si tu miette ‘o slovacco contr’o Dzeko
so’ mazzate ‘a cecato: so’ scintille.
Efuje pe’ chesto, “Ventun’anni dopo”
– né, ma cu chi jucava, stu Dumà? –
c’o Napule raggiunse il propio scopo:
‘e fa nu figurone pure ccà,
cu ll’inglese e chist’arabo felice.
D’e milanese, l’Inter già s’affonda.
(“S’o scorda, ‘o panettone”, ‘a gente dice):
settembre, e già perdett’a Trebisonda.
A Barcellona, ‘o Milan nun diverte,
ma doppo, p’e capille acchiappa ‘o pari.
Galliani fuje sincero: “Mucha suerte”,
ma dummeneca no: so’ c…. amari!