Donadò, cu sta faccia semp’a lutto,
nun sì venuto a fà na barricata:
te si’ mpegnato, ‘e fatto propio tutto
pe ce mannà ‘ e traverso sta jurnata.

Doppo nu primmo tiempo a c’o scurdà,
Lavezzi tira fuori il do di petto,
ma ‘o Cagliari riesce a pariggià.
Chiure Cavani (granne pallunetto!…)

Stu Napule ha vinciuto, ed ha convinto.
‘A sette mise, stammo sempe ccà:
mò ca ce manca sulamente un quinto
‘e campionato, chi se po’ fermà?

Milanese, è ‘o mumento e fà a curnate.
Nu pareggio a San Siro fosse d’oro:
nuje stamme là, cu ll’uocchie spalancate,
pronti pe  ce nfilà pe mmiez’a loro.

Stamme vicine ad un’impresa storica,
e so’ felice ca ne so’ cantore.
‘E sdrucciolo è rummasa sulo ‘a colica
ca ‘nfastedette il nostro allenatore!

[youtube]http://www.youtube.com/watch?v=7-C_0T-DT3w[/youtube]

Tags: onapule, video gol del napoli