Vicin’a Parma, mica è nu segreto,
sta nu paese: Roncole ‘e Busseto,
addò nascette nu compositore
c’a tuttequante c’ha arrubbato ‘o core.
Se invece d’e divise gialle e blu
(o janche e nire: doje ne tiene, tu)
l’esse tenute di color smeraldo,
o nu poco chiù scuro: un po’ più caldo,
Parma (dint’a stu scambio, nun ce perdi),
‘è giucature tuoje fossen’e Verdi.
Si Peppeniello nuosto, alla bonora,
int’a sti juorne fosse vivo ancora,
ma quale Rigoletto, quale Ernani!
Avisse scritto n’opera: “Cavani”,
melodramma in due atti, anzi: in due reti,
chiù bello de “I Montecchi e i Capuleti”.
Cavani: cu doje granne cavatine
a sta partita ccà mettiste fine!