Ncopp’e maglie tenimmo scritto “Lete”:
che significa, adesso v’o dic’io.
‘O sapevano, tanno, pur’e prete:
chesta “Lete” era ‘a fonte dell’Oblio.

Tu bive, e po’ te scuorde tutte cose,
comme si fosse na buttigli’e vine:
e chelle ca na vota erano rose
sparisceno, e rimangono li spine.

Nun se ricorda, ‘a squadra di Mazzarri,
e quann’a steva stritto pur’o pari:
e, comme fosseno unnece autocarri,
scamazzàvan’a tutti gli avversari.

Se so’ scurdate l’entusiasmo, ‘o gioco.
Ce resta nu rimpianto senza fine:
è stato bello, ma è durato poco.
Guagliù, mo’ avita ì da “Mnemosine”:

n’ata fonte, ca fa turnà ‘a memoria.
Ve scurdasteve comme s’adda fa?
Vevite: e tutt’assieme, chella storia
dint’a memoria ve ritornarrà!