Doppo quinnece turne positive
‘a sconfitta (era logico) è venuta.
Nunn’è nu dramma: simmo comprensive,
però nun ce cunvince, comm’è ghiuta.

Che d’è ‘o sidece? ‘O nummero d’o culo.
D’o mazzo, che al Friuli nun c’è stato.
Però fuje pure colpa ‘e nu cetrulo:
parlammo ‘e chillu canchero ’e Damato.

Abbiamo preso un palo e una traversa,
restanno in dieci pe nu tiempo intero:
Ma qua sconfitta! E’ na vittoria persa.
Fessarie n’ammo fatte: chest’è overo,

e quanno sbaglie, ‘o ssaje, fernesce male.
Lassato, dint’all’area, sulo sulo,
ce facette ‘o rialo Di Natale,
e nel finale ce l’ha miso ….. .

E’ forte, sì. Però, chi s’o marcava?
Doje a uno, ed ammèn. Fine d’a storia.
Na meza ingenuità ‘a facette Grava,
e l’Udinese concludette in gloria.

E dummeneca, tutte a Forerotta.
Vene l’Intèr, ca tene ‘a panza chiena.
C’a vulessemo dà, na bella botta?
Torn ‘o Pocho: sperammo ca sta in vena!