L’Inter, ‘ncopp’a carta, fa paura;
cu Milito, cu Maicon, cu Zanetti,
è gente, chesta ccà, fore misura,
giucatore impeccabili, perfetti.

Ma ‘o Napule, sti splendidi rivali
(l’interiste) l’a muorze; l’a asfissiate,
e si nun ghieva ‘a sbatte nfacc’e pali
‘e tre punte l’avesse ammeritate.

Denis, mammamà: che colp’e testa,
‘na cosa esagerata da vedere!
Si’ o pallone traseva, sai che festa,
ma Julio Caesar è nu dio ‘e purtiere…

Mourinho l’è venuto ‘o mal’e core:
le pareva mill’anne ca ferneva.
S’è pure lamentato e nu rigore,
ca invece (statte zitto!) nun ce steva…

Po’ na nutizia ca ce fa piacere:
è riturnato Reja! Tutti in piedi!
E’ giusto, pecchè tene assai mestiere:
embè, chi nunn’è muorto, lo riv-Edy!