San Gennà: tu “de sanctis” si’ n’esperto,
oramaje tiene secul’e mestiere.
Ma cumm’è ca ce deste pe’ purtiere
a chistu ccà, ch’è sempe accussì incerto?

‘O sapimme, Gennà, quant sì buon.
Dacce ‘na mano, falle pe’ favore:
né, ma si’ ancora il nostro protettore,
o t’e vennuto ‘o posto a San Frasòn??

E’ accussì, ma l’azzurre nunn’o sanno.
Certo c’a situazione è un poco strana:
fa’ nu miracolo ogne settimana,
e no, comme faje mò, tre vote all’anno!

Gennà, dicce ca sì, te voglio bene.
Salva sta squadra tremmul’e abbeluta:
doje gol a zero, e manco era trasuta…
robb’ e se ghiacci’o sanghe dint’e vene!