JUVENTUS-NAPOLI 1-0 (IN NAPOLETANO)
28-02-09 - categoria Poesie in napoletano 2008-2009Dicimmuncelle chiare, assera assera:
qualcuno se puteva immagginà,
jamme, ca c’a putevema jucà:
ca se venceva contr’e bianconere?
Nuje no, nun ce l’avimme maje sunnato,
pecchè ‘e tenimme chiare int’a memoria
‘e fatte ca so’ scritte dint’a storia:
nuje cà perdimme sempe. E’ nu peccato,
pecchè na Juve tanto inconcludente,
senza Camoranesi e Sissoko
cu’ Trezeguet chiù fermo ‘e nu cummò,
nunn’è c’a ritrovammo facilmente.
‘A nosta fuje na gara dignitosa:
pure nu par’e guizzi, e quacche sprazzo.
A tirà, chesto no: manco p’o ….,
(‘a squadra dell’andata è n’ata cosa),
ma per lo meno, jà, nun fuje nu strazio.
‘O Napule è paruto chiù scetato,
nu poco pucurillo migliorato.
Sperammo buono: sta arrivann’a Lazio!
[youtube]http://www.youtube.com/watch?v=uTA-enZvTD8[/youtube]
Tags: 28 febbario 2009, calcio, ilnapoli, juve, juventus-napoli 1-0, napoli, video gol juventus-napoli 1-0, video gol napoli, video napoli