L’eveno fatto ‘o piano, ‘e friulane:
“in Coppa ‘o risparmiammo, a Di Natale,
e nun fa niente ch’è napulitane:
‘e conterranee suoje, l’adda fa male!”

Ma ‘e cunte l’è sbagliate, né Udinese!,
e nemmeno di poche: di parecchie.
Te l’amme fatte scennere, ‘e pretese,
pe poco  nun l’aviste ‘ncopp’e recchie.

‘O Napule ‘a lottato in campo aperto,
‘a gamba nun l’a maje tirata areto.
E senz’o palo ‘e Blasi, chest’è certo,
‘a presunzione toja ferneva ‘nfieto.

Gnorsì, alla fine te faciste sotto,
Udinè: l’e tentato, l’arrembaggio.
Ma Zalayeta steve propio cotto,
e tu cu n’ommo in più (ì che curaggio!…)

Nuje mò, a n’azzurro l’amma dà na voce:
sì, proprio’a te, guagliò, fance ‘o favore:
che canchero cumbine, Santacroce,
ogne partita te faje caccià fore??!!

Valid XHTML 1.0 Transitional Valid CSS!