In trasferta nun ce sapimmo fà.
Coll’Udinese, ‘e tiempe dell’està
(maronna, comme fuje  chesta vita!)
cinch’a zero, ‘a  vencettem’a partita.
 Stamm’a Natale: c’aspettammo, Pasca?
Annanz’a nuje, la squadra bergamasca
c’a curva chiusa. Buono: a st’Atalanta
overo l’amma fa na faccia tanta….
Cinche gol: proprio uguale all’Udinese:
ma là ’e dettemo, cà l’avimme prese!
‘A squadra è scisa in campo molla molla,
comm’a na sfogliatella ‘e pasta frolla.
Ce pareva nu ciuccio miez’e suoni.
Segnano Floccari, Langella e Doni:
è nu martiello, ‘a squadra di Del Neri.
‘O quarto gol ci’o  segna Carrozzieri,
ca ce vulesse fa pur’o tagliando.
‘O Napule è un esercito allo sbando.
Chi s’è salvato? T’o dich’i: nisciuno.
Che scuorno! Avimme perze cinch’a uno…

Valid XHTML 1.0 Transitional Valid CSS!