INTER-NAPOLI 2-1 (in napoletano)
7-10-07 - categoria Poesie in napoletano 2007-2008Un’attesa ‘e sett’anne e quacche mese,
pe vedè ancora ‘o Napule a San Siro.
Sett’anne ‘e turcimiente, ‘e facce appese:
l’azzurro addò sta chiù? S’è fatto niro,
a jucà c’o Lanciano e ‘a Viterbese.
“Ma mò, ca l’Inter ‘a tenimm’a tiro,
c’a facimme verè. “ Quanti pretese!
Facimm’o vero, o ce pigliammo in giro?
Dint’a mez’ora, i sogni so’ finite:
doje pallone fernescen’ int’a rezza.
Ma nunn’è ‘o caso e stà troppo abbellite:
nun respirammo buono, a chest’altezza.
Amice belle, mò l’amme capite
ca nuje jucammo sulo p’a salvezza?