NAPOLI – CAGLIARI  (0-2)  in napoletano

Si sbaglie: pave. Chest’è a Serie A,
Ccà nun ce stanno o’Gela e o’ Catanzaro.
N’coppa o’campo, S. Paolo e S. Gennaro
c’o’ sinnaco, in tribbuna autorità.

Quase 40 gradi: ‘i che calore!
oggi, pe venì cca ce vò curaggio.
Ma o’pubblico ce stà: p’avè n’assaggio,
pe vedè si sta squadra tene core.

O’ Napule però nun è venuto:
e’ giucature nun so’ proprie scise.
P’a’ tenzione e p’o’ stress so’ iute in crise,
e’ a dint ‘o spugliatoio nun so’ asciute.

‘O tiempo ( ‘o primmo ) pass: è zero a zero.
‘O Napule è nu’ spettro overamente.
‘O Cagliari conclude poco e niente,
però sempe llà : ce dà pensiero.

Int ‘a ripresa e ccose vanno peggio:
segna Matri, e se sblocca ‘o risultato.
Chiù tardi ne pigliammo pure n’ato,
mentre cercammo d’acchiappà ‘o pareggio.

E’ chist fuie l’esordio: triste assaie.
Doppo quasi sette anni ‘e purgatorio,
ev’essere n’a festa e fuje mortorio.
Ciuccio nunt’avvilì, risurgiarraie!

Valid XHTML 1.0 Transitional Valid CSS!