Che strano: i nostri eroi, date pe’ muorte,
nei solite tre ghiuorne (!) so’ risorte.
Sì: sta partita ccà l’ammo ‘ngarrata,
ma l’Inter pare muorta e sutterrata.
Certo, se sbatte, ma  cumbina poco:
pe tutt’o primmo tiempo senza gioco,
circa ‘e s’arrepiglià dint’a ripresa,
ma è lenta, poco mobile in difesa,
e pe doje vota la strunzea Cavani.
Mo’ parlammo un momento del domani.
Tra le due squadre in testa al campionato
e  l’ate, ce sta chiù ca nu fussato:
è nu puzzo, nu baratro, n’abisso.
Pirciò, si pure ‘o Napule riuscisse
a superà stu sorpendente Siena
un’e lloro ce l’adderezza, ‘a schiena.
Quale fosse ‘a morale ‘e chesta storia?
Finchè ce stà, godimmoce  ‘a vittoria!

Addò stanno Hugo, Paolo, Salvatore, Edinson, Walter e Aurelio,
‘o Boss, ‘o Dandy, ‘o Lucchetto, ‘o Matador, ‘o Trainer, ‘o Presidente?
Tutti, tutti, dormono ncopp’a cullina.

Hugo steva luntano dalla forma migliore,
Paolo facette nu cuofano d’errore,
Salvatore si scurdaje ch’è nu difensore,
Edinson tiraje ‘na chiavica ‘e rigore,
Walter s’accuntenta ‘e na squadra senza core,
Aurelio se sta zitto, e avalla stu squallore -
tutti, tutti dormono, dormono, dormono ncopp’a cullina.

(liberamente tratto da:
E. Lee Masters, Spoon River Anthology)

Nun c’è piaciuto, no: dicimmuncello.
E’ piccerillo, quasi un tappetiello,
e avette na difficile serata.
Ce sta chi dice già: “Vargascurdata”,
“Ragazzi, avimmo preso n’ata sola”,
e chi canta: “La Vargas tornò sola”.
Ma no: chillo nunn’era ‘o Vargas vero!
Tra tanta criticune, ‘o chiù sincero
è  Mazzarri, c’a ditto: “’A colpa è a mia.
M’aggio fatto piglià d’a frennesia
d’o fa jucà, ed è stato un grande errore:
s’eva primma ambientà. Stu jucatore
è bravo, e l’ho mandato allo sbaraglio.
Ve cerco scusa a tutti, pe’ stu sbaglio…”
Nun t’avvilì, Mazzà. Sì perdunato.
‘O turno, intanto, è stato superato:
p’a Maronna, doje ceri e tre nuvene.
Ma sta vittoria, sarrà stata un bene?